Tembang Macapat (2)

Tembang kuwi kalebu golongane basa kang pinathok, kaiket ing wewaton warna-warna, yaiku:

• cacahing gatra saben sapadane (guru gatra),
• guru wilangan yaiku cacahing wanda saben sagatra,
• guru lagu (dhong-dhing) yaiku tibaning swara ing saben pungkasaning gatra.

Tembang Jawa iku lumrahe kapilah dadi 3 golongan, yaiku :

• tembang Alit (Macapat),
• tembang Tengahan, lan
• tembang Gedhe.

Tembang Macapat
Tembang macapat yaiku tembang kang nganggo wewaton (guru) mangkene :

1. Guru gatra
2. Guru wilangan
3. Guru lagu

unen-unen ing tembang iku diarani cakepan, dene wilahan gamelan karan titi laras.
Tembang Macapat cacahe ana 11, yaiku:

1. Pucung : 4 gatra (12u, 6u, 8i, 12a)
2. Maskumambang : 4 gatra (12i, 6a, 8i, 8a)
3. Gambuh : 5 gatra (7u, 10u, 12i, 8u,8o)
4. Megatruh : 5 gatra (12u, 8i, 8u, 8i, 8o)
5. Mijil : 6 gatra (10i, 6o, 10e, 10i, 6i, 6u)
6. Kinanthi : 6 gatra (8u, 8i, 8a, 8i, 8a, 8i)
7. Durma : 7 gatra (12a, 7i, 6a, 7a, 8i, 5a, 7i)
8. Pangkur : 7 gatra (8a, 11i, 8u, 7a, 12u, 8a, 8i)
9. Asmaradana : 7 gatra (8i, 8a, 8e, 8a, 7a, 8u, 8a)
10. Sinom : 9 gatra (8a, 8i, 8a, 8i, 7i, 8u, 7a, 8i, 12a)
11. Dhandhanggula : 10 gatra (10i, 10a, 8e, 7u, 9i, 7a, 6u, 8a, 12e, 7a)

Ing ngisor iki minangka tuladhane cakepan tembang macapat GAMBUH
          
GAMBUH

Sekar Gambuh ping catur,
kang cinatur polah kang kelantur,
tanpa tutur ketula-tula katali,
kadaluwarsa katutuh,
kapatuh pan dadi awon.

Makna:

Aja nganti kebanjur,
sabarang polah kang nora jujur,
yen kebanjur sayekti kojur tan becik,
becik ngupayaa iku,
pitutur ingkang sayektos.

Ujian Praktik 2016 (9D-26) Nami : Muhammad Nugroho Widiantoro
No     : 26
Kelas : IX-D (9D)

(Gawea tuladha CAKEPAN kanthi ukara/tetembungane dhewe)