Ujian Praktik 2016 (9A-17)

-
Cikal Bakal
Desa Angkatan Lor
(Rujak Beling Ceprot Katan)

Rikolo jaman rumiyin wonten setunggaling Kabupaten Grobogan ingkang dipunpimpin kaliyan Adipati Hario Puger ingkang gadhah garwa naminipun Rekno Kasihan. Satunggaling dinten wonten tamu ingkang sowan, wonten dalemipun Adipati Hario Puger. Tamu ingkang sowan inggih punika Tumenggung saking Serang Banten ingkang gadhah asma Banteng Sura. Kaliyan sikap angkuh, Bupati Grobogan dipun suwuni tunduk kaliyan Tumenggung Banteng Sura. Ananging Adipati Hario Puger nolak, saengga Tumenggung Banteng Sura murka. Lajeng Banteng Sura nglawan lan mejahi Adipati Hario Puger. Amargi taksih dereng puas,  Tumenggung Banteng Sura pengen nggadhahi garwa Hario Puger. Ananging Rekno Kasihan mboten kerso  amargi priyantunipun taksih tresna sanget kaliyan Hario Puger lan tiyang ingkang badhe nggarwa inggih punika tiyang ingkang sampun tega mejahi garwa ingkang sanget dipun tresnani.

Pungkasane Rekno Kasihan kesah ninggalaken Kabupaten Grobogan. Wonten salebetipun tindakan, Rekno Kasihan ningali wit ingkang boten temtu bentukipun, lajeng papan wau diparingi nami lan dados Desa Rimalang . Rekno Kasihan nglajengake tindakipun tumuju wetan paranipun. Wonten salebetipun tindakan  Rekno Kasihan mboten papagan kaliyan tiyang, lajeng ngongak-nganguk amargi mboten wonten ingkang dipun suwuni pirso, saengga dados Desa Ngangok. Mboten cekap semanten, Rekno Kasihan nglajengaken lampahipun dumugi Suwaduk, piyambakipun kepanggih kaliyan kang mase, ingkang gadhah asma Branjang Kawat.

Sanes wedal, Tumenggung Serang ingkang dereng puas mejahi Adipati Hario Puger, sareng-sareng kaliyan Adipati Mursiah lan Patih Rekno Daling nyerang Kabupaten Pati. Nalika semana Kabupaten Pati dipun pimpin kaliyan Adipati Joyokusumo lan Patih Penjaringan. Rikolo semanten antaranipun Pati kaliyan Serang wonteng perang ageng lan Pati kalah. Lajeng Adipati Joyokusumo damel sayembara “sapa wae sing bisa ngalahke prajurit Serang, bakal dakangkat dadi Penggede ing Kabupaten Pati” 
Tiyang ingkang naminipun Ki Ageng Joko Sungging nyuba nglawan prajurit Serang, ananging piyambakipun kawon lajeng mlajeng tumuju Desa Suwaduk. Wonten panggenan ngriku wonten tiyang rebutan toya antaranipun Branjang kawat kaliyan:
  • Ki Ageng Soko
  • Ki Ageng Wareng
  • Ki Ageng Koripan
  • Ki Ageng Nggandhong
Sedaya sami perang angkat junjung seleh lor seleh kidul. Saengga dadosaken Desa Angkatan Lor kaliyan Desa Angkatan Kidul. Desa Angkatan Lor  saking tembung “angkat” lan tembung “lor”.

Branjang Kawat ugi mireng sayembara ingkang diwara-warakake kaliyan Adipati Joyokusumo lan pengen nyuba sayembara punika. Saderengipun kesah perang kaliyan Banteng Sura, Branjang Kawat cs sowan ing dalemipun Ki Gede Gesang nyuwun pitulungan. Ki Gede maringi saran supados nglampahi perang berik. Lajeng Branjang Kawat cs majeng perang kaliyan Banteng Sura.

Nalika perang punika, Banteng Sura kapojok lajeng dados Desa Pojok. Papan ingkang dipun agem perang punika dipun wastani Desa Tengkrik saking tembung ‘’Banteng lan berik’’.  Lan wonten panggenan ngriku Branjang Kawat nyulik Patih Rekno Daling.

Lajeng Branjang Kawat perang  kaliyan Banteng Sura. Saking perang punika Patih Rekno Daling ninggal lan dados Desa Kedalingan.  Benten kaliyan Adipati Mursiah ingkang ngungsi wonten satunggaling papan lan papan ungsian wau sakniki dados desa Kongsen.

Ki Ageng Joko Sungging ingkang nate kalah nglawan prajurit Serang, mireng kabar bilih sedaya prajurit Serang sampun kalah lan Tumenggung Banteng Sura ugi sampun pejah. Lajeng ki Ageng Joko Sungging ngadhep Adipati Joyokusumo lan matur menawi tiyangipun sampun saged ngalahaken prajurit Serang. Adipati Joyokusumo maringi medali lan hadiah marang Ki  Ageng Joko Sungging.

Amargi prajurit Serang sampun kalah, Branjang Kawat cepet-cepet matur marang Adipati Joyokusumo. Ananging berita ingkang dipun aturaken dateng Branjang Kawat boten dipun percaya amargi Ki Ageng Joko Sungging sampun langkung riyen matur dumateng Adipati Joyokusumo. Mireng penolakan saking Adipati Joyokusumo, Branjang kawat nesu lajeng nglawan Adipati Joyokusumo, saengga kedadeyan perang Pati. Amargi saderengipun Branjang Kawat sampun perang nglawan prajurit Serang, badanipun sampun kraos kesel. Branjang Kawat mlayu teng sumur gowak lan ndelik wonten ing ngriku ananging dipun mangertosi dening warga Kabupaten Pati. Amargi Branjang Kawat kraos boten kiat malih lajeng ngendika “Aku ora bakal isa mati yen ora digrojog karo pecahan kaca utawa beling”.

Sarampungipun ngendika punika lajeng sedaya pecahan kaca lan beling dipungrojogaken wonten ing sumur gowak ingkang dipun agem papan delik Branjang Kawat. Beling-beling wau dideplok ngantos Branjang Kawat seda. Lan saking prastawa punika, kedadean  wau dipun paring asma Rujak Beling Ceprot Katan.

Nami : Luluk Nur Fadhillah Mukminurrahmah
Kelas : 9A
No : 17

Comments

Post a Comment

Popular posts from this blog

Crita Legenda Asal-usule Desa Sugihrejo Gabus Pati

-
Image
Asal-usul Desa Sugihrejo Sadurunge desa sugihrejo digawe wonten sekawan yaiku dukuh popoh, kinjeng, singghan, lan pakis. Pas iku onten pertempuran antarane dukuh popoh lan desa gabus ing pertempuran iku gunakake keris. ing petempuran onten masalah cilik yakuwi salah paham lan salah sijine wong dipupoh. Akeh wong seng mati,salah sijine mbah guder. Jasad mbah guder dimakamke ing sekitar retek,sehingga ngasi saiki diparingi asma retek guder. Perkara jerik payah mbah guder ngasi saiki diparingi asma dukuh popoh. Seteruse keris sing digunakke ing pertempuran iku disinggahke ing omah mbah slamet. Mbah slamet iku wong wadon sing dianggep sesepuh paling apek. Nganti saiki keris iku teseh lan makam mbah slamet dimakamke ing omahe. Saingga akhire disebut dukoh pasinggahan. Ing perjalanan bali, sekelompok wong sing ngembunyekke keris dihadang wong elek. Wong iku gunakake cemeti. Omah pas iku digawe soko pring,sehingga wong sing ono ing jero omah nginjen.seingga ngasi saiki disebut duku...
Read more

Asal-usulipun Desa SUNGGINGWARNO

-
Image
Wonten pawongan Serang tiang kalih asmanipun Patih Pejaringan kalian Banteng Suro ingkang ngemboro tekan pati. Patih Pejaringan lan Banteng Suro kepethok kaliyan Penggede Koripan lan Banteng Wareng, lajeng padha  tukaran dadi beri’an ning dheso tengberek lajeng sedo ing dheso Ronggo. Raden Sungging, Joro Ndiko Gandong lan Rujak Beling Ceprot Katan padha rebutan kaliyan Patih Kejalingan sehinggo podho perang. Rujak Beling diceprot sehingga mati, lan Patih Kedalingan mati wonten Kedalingan, sehingga Raden Sungging biso ngemboro luwih longgar. Jaman semono Joko Sungging meniko gadah griyo ing tengah alas sing sederhana. Joko Sungging niku pinter, bijaksana, lan seneng tetulung. Saben dinten Joko Sungging sregep ing saben kangge nyukupi kebutuhan kangge sedinane. Naliko enjing Joko Sungging arep tindak pados gawean ing Jeporo. Joko sungging mlampah ngantos dumugi Jepara, sawise dugi Jepara Joko Sungging angsal gawean ngukir.  Ning Jepara Joko Sungging nyambut gawe t...
Read more

Wayang RAMAYANA

-
Image
Ramayana mujudake epik, karya sastra Hindu paling tuwa ing India, nyritakake lelakone Sri Rama lan Dewi Sinta sarta perang tandhing antarane Sri Rama lumawan Rahwana (Prabu Dasamuka) kang dimenangake dening Sri Rama. Rerangken crita karajut kanthi endah nengsemake. Sawijining wiracarita dawa, 24.000 sloka (gurit) dumadi saka 7 bageyan kang sinebut kandha yaiku; Ayodhya Kandha sing isine nyaritakake kalairane para putra Ayodhya (Rama). Bala Kandha nyaritakake para putra Ayodhya nalika isih cilik lan pendhidhikane. Aranya Kandha nyaritakake lelakone Sang Rama lan Laksamana jroning ngamanake para Resi saka gangguan para raseksa. Kiskendha Kandha isinenyaritakake kerajaan kethek ing Guwa Kiskendha lan pambiyantune Sang Rama marang Sugriwa kanggo merjaya marang Subali. Pungkasane crita Sugriwa dadi abdine Sang Rama. Sundara Kandha nyaritakake pambangunane kreteg Situbanda tumuju negara Alengka kanthi ngerigake bala kethek. Yudha Kandha nyaritakake paprangan antarane Sang Ram...
Read more